Две еврејски училишта нападнати во Монтреал!

Две еврејски училишта синоќа биле мета на пукотници, соопшти денеска полицијата во Монтреал.

Припадниците на училишниот персонал откриле дупки од куршуми на фасадите на училиштата, но во текот на ноќта, во моментот на нападот, во нив немало никој, пренесува АП.

Канадскиот премиер Џастин Трудо одговори на пукањето, велејќи дека Канаѓаните мора најостро да го осудат насилниот антисемитизам.

„Не сме ние, не сме Канаѓаните. Ние сме земја која успеа подобро од која било друга во разбирањето и почитувањето на различните перспективи, рече Трудо.

Премиерот на Квебек Франсоа Лего изјави дека тоа што се случило во училиштата не може да се толерира.

Во средата три лица беа повредени, а едно беше уапсено на Универзитетот Конкордија во Монтреал по неколку инциденти за кои полицијата рече дека се поврзани со војната меѓу Израел и палестинската милитантна група Хамас, пренесува Танјуг.

Share on Facebook

Tweet

Follow us

Save