INFOMAX.MK

Израелските одбранбени сили (ИДФ), како што официјално се нарекува војската на таа земја, објавиле дека припадниците на пешадиската бригада Нахал го освоиле упориштето на Хамас, познато како „претстража 17“ во западниот дел на Џабалија во Појасот Газа.

Емануел Фабијан, воен дописник на „Тајмс оф Израел“, утринава на социјалната мрежа „Х“ (поранешен „Твитер“), објавил видео од израелската војска по битката, која, судејќи според видеото, завршила во мугрите по десет саати борба.

Се наведува дека ИДФ објавиле дека израелските војници се борат против оперативците на Хамас и Исламскиот џихад кои биле „на земја и на подземната рута во таа област“.

Фабијан во текстот за „Тајмс оф Израел“ навел дека трупите го зазеле упориштето по борбите во тунелите.

Од ИДФ е соопштено дека се убиени „десетици терористички оперативци“, но не е соопштено дали имало загуби на израелската страна.

Израелската војска, исто така, објавила дека лоцирала многу непријателски оружја и открила влезови во подземни тунели, вклучително и оној кој бил покрај градинка.

IDF says troops of the Nahal Brigade captured a Hamas stronghold known as outpost 17 in west Jabaliya, after 10 hours of fighting. The IDF says the soldiers battled Hamas and Islamic Jihad operatives in the site, who were both "above ground and in an underground route in the… pic.twitter.com/m5GK18JBwM

— Emanuel (Mannie) Fabian (@manniefabian) November 9, 2023