НЕТАНЈАХУ СИ ТЕРА ПО СВОЕ: Макрон повика да запре убивањето на цивили и доби негативен одговор

Францускиот претседател Емануел Макрон го повика Израел да престане со бомбардирањето на Појасот Газа и да престане да убива цивили во палестинската територија.

Воздушните напади „немаат оправдување“, рече Макрон во интервју за Би-Би-Си објавено синоќа. Тој увери дека прекинот на огнот ќе биде од корист за Израел.

„Франција „јасно ги осудува … терористичките акти“ на „Хамас“ и го признава правото на Израел да се брани“, рече Макрон.

Во исто време, тој побара од Израел да го прекине бомбардирањето на Газа и изрази надеж дека лидерите на САД и Велика Британија ќе се приклучат кон неговиот повик.

Францускиот претседател го даде интервјуто за Би-Би-Си еден ден откако беше домаќин на меѓународна конференција во Париз за хуманитарна помош на палестинска територија.

Повикот на Макрон, меѓутоа не допре до израелскиот премиер Бенјамин Нетанјаху. Тој го отфрли повикот на францускиот претседател за прекин на огнот во Појасот Газа.

– Хамас сноси „одговорност за каква било штета нанесена врз цивилите“ – одговори Нетанјаху.

Тој потсети дека палестинското исламистичко движење ја започна војната, убивајќи луѓе во Израел на 7 октомври и го обвини дека користи цивили како „човечки штит“.

Share on Facebook

Tweet

Follow us

Save