Проблеми за Зеленски: На Украина ѝ е потребен претседател како Залужни, тврди украински генерал

На Украина ѝ треба претседател со искуство кој ќе ја победи корупцијата, а тоа би можел да биде врховниот командант на украинските трупи Валериј Залужни, изјави генерал-мајорот на вооружените сили на Украина, Дмитриј Марченко.

Потребен ни е претседател кој го има искуството на Шарл де Гол и кој може да ја победи корупцијата во земјата. Најуспешен кандидат за таа функција е Залужни, изјави Марченко за „Канал 5“.

Украинскиот генерал истакна дека многу би сакал врховниот командант на украинските трупи да биде номиниран за претседател и изразил желба да работи со него во истиот тим.

Претседателот на Украина, Володимир Зеленски, претходно изјави дека сега не е време за избори во таа земја, туку дека земјата треба „да се концентрира на борбата против окупаторите“.

Сите разбираме дека е воено време, има многу предизвици. Апсолутно е неодговорно толку лесно да се става прашањето за избори меѓу народот, објасни Зеленски.

Share on Facebook

Tweet

Follow us

Save