INFOMAX.MK

Рускиот државен извозник на оружје „Рособоронекспорт“ преговара со индиски компании за заедничко производство на воздухопловно оружје за индиските воздухопловни сили, пренесуваат во вторникот руските медиуми.

„Робороенкспорт соработува со јавни и приватни индиски претпријатија за организирање заедничко производство на воздухопловно оружје и негово интегрирање во постоечката воздухопловна флота на Индија“, го цитира агенцијата РИА извршниот директор на рускиот воен концерн Александр Микеев,

Во информацијата не се дадени поединости за тоа кои индиски компании ќе учествуваат во производството, ниту кога потенцијалното производство ќе започне.

Русија е најголем снабдувач со оружје на Индија. Дури 45 отсто од оружјето увезено за индиската одбрана во минатата 2022 година биле од Русија, според годинешниот извештај на Меѓународниот институт за истражување на мирот во Стокхолм (SIPRI).

Микеев порачува деа „Рособоронекспорт“ и партнерите од Индија за индиското Министерство за одбраната набавиле борбени авиони од моделот „Су-30 МКИ“, тенкови, оклопни борбени возила и гранати.

Индија и Русија на почетокот од годинава започнаа заедничко производство на автоматските пушки „Калашников АК-203“.