Директор на болница во Газа: Израелците влегоа внатре, можеме само да се молиме за пациентите!

„Окупациските сили упаднаа во зградите“, налутено рече тој преку телефон, додавајќи дека пациентите, меѓу кои и децата, биле преплашени. „Тие врескаат. Тоа е многу страшна ситуација… Не можеме да направиме ништо за пациентите освен да се молиме“, рече Закут.

Лекар кој работи во болницата Ал Шифа изјави за Си-ен-ен дека биле известени за операцијата само 30 минути пред израелските сили да влезат во комплексот.

Израелската армија објави дека влегла во комплексот Ал Шифа и дека спроведува прецизна и насочена операција против Хамас во одредени делови на болницата „врз основа на разузнавачки и оперативни потреби“.

Израелската армија додаде дека со своите сили има „медицински тимови и арапски говорници, специјално обучени да се подготват за оваа сложена и чувствителна средина, со цел да не им наштети на цивилите“.

Портпаролот на ИДФ Питер Лернер изјави за Си-ен-ен дека болницата и комплексот се центарот на Хамас за неговите операции, потенцијално дури и неговото „срце“.

Share on Facebook

Tweet

Follow us

Save