Бујар Османи со остри пораки кон ВМРО-ДПМНЕ зошто не ги поддржуваат уставните измени

И покрај ставот на опозицијата која е против уставните измени, шефот на македонската дипломатија Бујар Османи се уште е оптимист дека постојат шанси тие да се донесат до декември.

Османи вели дека ќе се прават обиди до последен момент да се разубеди опозицијата по однос на ова прашање, а одговорноста доколку ја пропуштиме шансата вели ќе треба да се бара кај ВМРО- ДПМНЕ и пратениците.

-Јас не можам од сега да кажам дека ја пропуштаме шансата, треба да работиме до последниот здив до последниот камен кој е пред нас да ги направиме уставните измени и да фатиме исчекор со оваа шанас, но ако не успееме ќе треба со име и презиме да ги кажеме тие што ја загрозуваат еропската иднина на оваа државата. Зошто сметам дека е така ? Геополитичкиот момент е неповторлив за сериозна брза патека за членство во ЕУ до 2030 и не сум сигурен дека истотот политички моментум ќе биде сочуван и идната година,- Бујар Османи – Министер за надворешни работи.

Османи останува на тврдењето дека внесувањето на Бугарите во Уставот е избор на власта, бидејќи другата опција била да се разговара за историски и идентитетски прашања, наместо како сега за малцинско човековите права.Министерот го осуди последниот провокативен говор на бугарската потпретсеателка Јотова, објавен на веб-страницата на претседателската институција, во кој македонската нација е означена како „таканаречена“.

Засега останува неизвесно дали и кога ќе продолжи собраниската седницата за изгласување на уставните измени. Според власта процесот е почнат, а гласање ќе има кога ќе се создадат услови за тоа, односно ќе се обезбеди потребното двотретинско мнозинство.. Доколку тоа не се случи во следните неколку недели, веќе е извесно дека на Самитот во декември нема да има одлука за продолжувањето на преговорите.

Share on Facebook

Tweet

Follow us

Save