Столтенберг: Не навлегувам во уставните измени, но добро е Македонија да напредува кон ЕУ

Македонија би требало да напредува на патот кон ЕУ, истакна во интервју за МИА генералниот секретар на Алијансата, Јенс Столтенберг.

Запрашан дали неговото вчерашно обраќање во Собранието беше обид да ги поттикнете пратениците да ги усвојат уставните амандмани, Столтенберг посочи дека не навлегува во тие прашања.

-Не е мое да навлегувам во тие конкретни прашања, бидејќи тие се поврзани и со вашиот процес кон членство во ЕУ, но мојата порака е дека членството во НАТО многу често го отвора патот за членство во ЕУ и тоа би било добро за целиот регион и за Македонија да напредува на патот кон членство во ЕУ. Секако, за тоа ќе бидат потребни одредени одлуки од Македонија, но не е на мене да навлегувам во конкретните предлози на хартијата.

Share on Facebook

Tweet

Follow us

Save