Албанец, Грузиец и Украинец уапсени на Табановце

Тројца странски држајвани вчера биле уапсени на Табановце, во одделни случаи.

– На 26.11.2023 во 11.50 часот на Граничниот премин Табановце, полициски службеници го лишиле од слобода Х.Б.(29) од Република Албанија. При контрола во автобус со албански национални ознаки, во кој се превезувал, кај него биле пронајдени и одземени марихуана и дробилка. Тој бил предаден на полициски службеници од СВР Куманово за понатамошна постапка, соопшти полицијата.

– На 26.11.2023 во 13.00 часот на Граничниот премин Табановце, полициски службеници го лишиле од слобода С.В.(37) од Грузија, затоа што при извршена контрола и проверка било констатирано дека ерменската возачка дозвола, која ја приложил на увид, била фалсификувана. Тој бил предаден на полициски службеници од СВР Куманово за понатамошна постапка, стои во денешниот полициски билтен.

– На 26.11.2023 во 20.00 часот на Граничниот премин Табановце, полициски службеници го лишиле од слобода Ј.С.(47) од Украина, затоа што при извршена контрола и проверка било констатирано дека украинската возачка дозвола, која ја приложил на увид, била фалсификувана. Тој бил предаден на полициски службеници од СВР Куманово за понатамошна постапка, извести МВР за третиот случај.

Share on Facebook

Tweet

Follow us

Save