ЛОШИ ВЕСТИ ЗА ТУРИСТИТЕ: Австрија воведе нова вињета

Австриската влада воведе дополнителна еднодневна вињета за возење по тамошните автопатишта и експресни патишта. Може да се купи од денес, чини 8,60 евра и во текот на декември доаѓа само во дигитална форма. Од следната година, еднодневната вињета ќе може да се купи и како налепница.

Најавено е и поскапување на десетдневната вињета која главно ја користат туристите. Неговата цена од 1 јануари ќе скокне од 9,90 на 11,50 евра. Од следната година цената на двомесечната вињета се намалува од 29 на 28,90 евра, а годишната останува иста.

Од 22 ноември вињетите се достапни и дигитално. Тоа значи дека вињетата повеќе не треба физички да се прикачува на шофершајбната на автомобилот, туку вашиот регистарски број ќе се запише во централниот систем, а проверката се врши автоматски. Можно е купување преку Интернет на shop.asfinag.at.

Она што е одлично во тој систем е фактот што сопственик на вињетата е корисникот на возилото. Со други зборови, ако за време на важноста на вињетата го промените автомобилот и регистрацијата – што не е невообичаено за луѓето кои користат службени автомобили – можете да ја префрлите тековната вињета на нова регистрација во системот. Сепак, тоа ќе ве чини 18 евра, пишува Индекс.

Share on Facebook

Tweet

Follow us

Save