Силен земјотрес во Грција

Земјотрес со јачина од 4,1 степени според Рихтеровата скала е регистриран денеска во 10 часот и 38 минути во областа на градот Мегалополи, Централен Пелопонез, јавија грчките медиуми.

Епицентарот на земјотресот се наоѓал на 10 километри североисточно од центарот на градот во јужна Грција, покажуваат податоците на Геодинамичкиот институт при Националната опсерваторија во Атина.

Според ТВ Скај, потресот бил почувствуван во префектурите Аркадија, Илија и Месинија. Според заменик-градоначалникот на Мегалополис, Димитриос Сиембос, земјотресот не бил силен и не предизвикал никаква штета.

Share on Facebook

Tweet

Follow us

Save