ИНЦИДЕНТ НА ПУНКТОТ ЗА ЛИЧНИ ДОКУМЕНТИ; Се струполил на земја додека чекал ред за фотографирање

Инцидент се случил утринава во пунктот на Министерството за внатрешни работи (МВР) кај полициската станица „Пролет“ кога му се слошило на еден повозрасен маж додека чекал ред за фотографирање за лични документи.

Како што сведочат граѓани, човекот одеднаш паднал во бесознание и се струполил на земја, по што била повикана Брза помош.

Екипата на Плусинфо разговараше со лекарите кои објаснија дека на пациентот му се слошило најверојатно поради долгото време поминато на нога.

– Сега е добар човекот, ништо страшно. Му се слошило, паднал на земја, но за брзо време го вративме во нормала. Знаете како е, стоел неколку часа на нозе, а и голема гужва е – ни изјави еден од лекарите во неформален разговор.

Share on Facebook

Tweet

Follow us

Save