Француска фрегата соборила дрон што му се заканувал на норвешкиот танкер во Црвено Море

Француска фрегата собори беспилотно летало што му се закануваше на танкер со нафта под норвешко знаме кога беше нападнат од јеменските бунтовници Хути, соопшти денеска француското Министерство за вооружени сили.
Фрегатата „го пресретна и уништи дронот што директно му се закануваше на (бродот) „Стринда“ и потоа го заштити, спречувајќи киднапирање, се вели во соопштението на Министерството.

Пожарот што избувна на бродот „Стринда“ е „ставен под контрола“ и нема повредени, а американскиот разурнувач УСС Мејсон потоа го спроведе бродот до Аденскиот залив, надвор од опасната зона.

Американската војска синоќа соопшти дека проектил истрелан од територија под контрола на Хутите погодил танкер во близина на брегот на Јемен, но дека нема жртви.

Инцидентот го потврдил норвешкиот сопственик на бродот.

Хутите, како Хамас и либанскиот Хезболах, се членови на „оската на отпор“ против Израел, поддржана од Иран.

Share on Facebook

Tweet

Follow us

Save