Ковачевски: Единствена комуникација на опозицијата со граѓаните е сама да напише анкета на која води

Премиерот Димитар Ковачевски смета дека докажал во изминатите две години како зборува врз основа на факти. Заради тоа, вели дека опозицијата не е присутна во медиумите во последно време.

-Тие единствено што ќе направат е ќе седнат и ќе напишат самите некаква анкета со која водат и тоа им е единствената комуникација која ја гледаме со граѓаните. Ако ги гледаме фактите ќе видиме дека просечната плата е зголемена за 50%, минималната за 100%. Ако зборуваме кај пензиите, факт е дека минималната пензија е 50% повисока од таа во 2016 и просечната пензијата е за 50% повисока од таа во 2016 година. Не може да се негира тоа. Ако зборуваме за невработеноста денеска е 13%, во 2016 година беше 24%, а во 2025 година се очекува за првпат да имаме едноцифрена стапка на невработеност. Тоа се факти кои не можат да се негираат со лажни соопштенија и популизам, рече Ковачевски во емисијата на „Слободен печат“.

Според премиерот, во ВМРО-ДПМНЕ имаат анкета, според која 80% од граѓаните не можат да препознаат која е политиката на партијата во однос на интересите на граѓаните.

-Тоа не го кажуваат и затоа прават нови за да им тргне денот подобро, рече меѓу другото Ковачевски.

Share on Facebook

Tweet

Follow us

Save