Добри вести за Вардар: Михајлов нов тренер, неколку спонзори доаѓаат во тимот!

Најавите се остварија, Горазд Михајлов ќе го води Вардар во вториот дел од сезоната, тој доаѓа на местото од Александар Васоски.

Вардар денеска излезе со официјална информација за новиот тренер.

„ФК Вардар ја известува јавноста дека Горазд Михајлов од денес е нов шеф на стручниот штаб на тимот. Му посакуваме среќа и успешна соработка со најтрофејниот клуб во Македонија.
Добредојде во црвено црното семејство“, стои во соопштението на клубот.

Тој доаѓа на местото од Васоски кој замина во Силекс, клубот каде што до неодамна беше токму Горазд Михајлов.

Инаку, Вардар во следниот период треба да добие финансиска помош од Град Скопје, како и од неколку влијателни спонзори.

Share on Facebook

Tweet

Follow us

Save