Европската унија сака да формира своја комбинирана армија?!

Европската унија треба да формира своја комбинирана армија која би можела да игра улога во одржувањето на мирот и спречувањето на конфликти.

Ова денеска го оцени министерот за надворешни работи на Италија, Антонио Тајани.

Во интервју за италијанскиот весник Стампа, Тајани изјави дека поблиската европска соработка во областа на одбраната е приоритет за партијата Форца Италија што ја предводи, пренесува Ројтерс.

„Ако сакаме да бидеме мировници во светот, потребна ни е европска армија. Тоа е основен предуслов за спроведување на ефективна европска надворешна политика“, рече Тајани.

Според него, во свет со моќни играчи како Соединетите Американски Држави, Кина, Индија и Русија, со кризи од Блискиот Исток до Индо-пацификот, италијанските, германските, француските или словенечките граѓани можат да бидат заштитени само со нешто кое веќе постои, а тоа е Европската Унија.

Тајани, исто така, рече дека 27-члената ЕУ треба да го рационализира своето раководство и да воведе единствено претседателство наместо сегашните претседатели на политичките структури како што се Европскиот совет и Европската комисија.

Share on Facebook

Tweet

Follow us

Save