INFOMAX.MK

Во среда во западна и југозападна Европа под влијание на поле на низок воздушен притисок ќе преовладува нестабилно време со локални врнежи од дожд, а во крајните североисточни предели со врнежи од снег. Во останатите предели од Европа доминација на поле на висок воздушен притсок кој што ќе условува стабилно и студено време со спуштање на дополнителна поларна воздушна маса која што ќе се проширува над стариот континент.

На Балканскиот полуостров ќе преовладува претежно сончево време со локална облачност, ветровито и студено време. Максималните дневни температури ќе се движат во интервал од 01 до 11 степени.

Во Македонија во среда ледено утро со појава на умерен мраз и пад на утринските температури кои што ќе се движат во интервал од -9 до -2 степени. Во текот на денот ќе преовладува претежно сончево време со појава на локална облачност, ветровито и многу студено време. Ќе дува доумерен североисточен и северозападен ветер кој што ќе достигне до 20 км/ч. Максималната дневна температура во Македонија утре ќе достигне до -2 односно до 6 степени.

Во Македонија во четврток и петок ледено утро со појава на умерен мраз и утрински температури кои што ќе се движат во интервал од -10 до -3 односно од -9 до -2 степени. Во текот на денот ќе преовладува претежно сончево време со појава на локална облачност, ветровито и свежо време. Максималните дневни температури ќе се движат во интервал од -1 до 7 односно од -2 до 6 степени. Во сабота и недела во Македонија ледено утро со појава на умерен мраз и утрински температури кои што ќе се движат во интервал од -10 односно -3 односно од -13 до -6 степени. Во текот на денот ќе преовладува претежно сончево време со појава на локална облачност и топло време. Максималните дневни температури ќе бидат во благ пораст и ќе се движат во интервал од -1 до 7 односно од 1 до 9 степени.