Пентагон: Лојд Остин сѐ уште е во болница

Американскиот министер за одбрана Лојд Остин сѐ уште е во болница и се чувствува добро, соопшти денеска Пентагон, додавајќи дека тој ги следи американските воени операции ширум светот.

„Тој е во контакт со својот висок персонал, има целосен пристап до неопходните безбедни средства за комуникација и продолжува да ги следи секојдневните операции на Министерството за одбрана низ светот“, наведе портпаролот на Пентагон, Пет Рајдер, во соопштение.

Се наведува и дека Пентагон се уште нема прецизен датум за отпустот на Остин.

Кандидатот за претседателска номинација на Републиканската партија, Доналд Трамп, вчера изјави дека САД „фрлаат бомби низ целиот Блиски Исток“, додека министерот за одбрана Лојд Остин „води војна преку неговиот лаптоп во болничката соба“.

„Значи, само да разјасниме. Фрламе бомби ширум Блиски Исток, а нашиот министер за одбрана, кој е исчезнат пет дена, води војна од својот лаптоп во болничка соба“, напиша Трамп на својата социјална мрежа „TruthSocial“.

Share on Facebook

Tweet

Follow us

Save