Лајчак ќе се сретне со Вучиќ и Курти во Давос

Специјалниот претставник на ЕУ за дијалог меѓу Белград и Приштина, Мирослав Лајчак, ќе има одвоени средби во Давос, на маргините на Светскиот економски форум, што почнува утре, со претседателот на Србија, Александар Вучиќ и косовскиот премиер Албин Курти, изјави портпаролот на ЕУ Петер Стано.

Тој за Танјуг изјави дека Лајчак ќе учествува на годинашниот Светски економски форум во Давос и дека ќе има одвоени средби со Вучиќ и Курти, при што прецизирал дека тоа ќе бидат одделни средби со секој од нив и дека нема да има трилатерална средба.
„Нема да има заеднички/трилатерален состанок за дијалог, вклучително и состанокот на високо ниво (секогаш организиран од високиот претставник на ЕУ за надворешна политика и безбедност, Жозеп Борел, кој нема да биде во Давос оваа година), кој обично се одржува само во Брисел“, изјави Стано

Share on Facebook

Tweet

Follow us

Save