INFOMAX.MK

Девет лица загинаа, а 30 се повредени, од кои 13 потешко, кога автобус се преврте во вторникот во областа Ајдинџик во јужната турска провинција Мерсин.

Меѓуградскиот патнички автобус, кој се движел кон југоисточната провинција Мардин од областа Мармарис во западна Мугла, при вртење удрил во бариера на излезот од тунелот Саријар во областа Јеникас и се превртел.

Mersin-Antalya yolu güzergahında, Aydıncık İlçemizin Yenikaş mah.sınırları içerinde Mersin istikametine doğru 40 yolcu, 3 mürettebatla seyir halinde Sarıyar tüneli çıkışı kazada 9 kişi hayatını kaybederken 30 yaralı Allah dan rahmet yaralılara şifa@KocakoyAk @Akparti pic.twitter.com/SbZBwyNUGV

— Hilmi Kaya (@HilmiKa76107205) January 16, 2024

По несреќата, на местото на настанот веднаш биле испратени екипи на итната помош, како и екипи за пребарување и спасување и противпожарната бригада.

Повредените со возило на Брза помош се пренесени во болниците.

Гувернерот на Мерсин, Али Хамза Пехливан подоцна изјавил дека несреќата се случила околу 1:15 часот по локално време, на релација Мерсин-Анталија.

„Посакувам Божја милост за нашите загинати граѓани и сочувство до нивните семејства. Посакувам брзо закрепнување на нашите повредени граѓани“, рече гувернерот.

Пехливан рече и дека 13 повредени се во тешка состојба.

Наведувајќи дека истрагата за несреќата продолжува, гувернерот додаде дека возачот „изгубил контрола на излезот од тунелот поради дождот и влажниот коловоз“, додавајќи дека јавен обвинител ја истражува несреќата.

Тој додаде дека сообраќајот меѓу Анталија и Мерсин е отворен во двата правци.

Несреќата ја снимиле камерите на автопатот. На видеото се гледа како автобусот со голема брзина влегува во кривина, удира во бариера и паѓа во канал.