Томовски: Кога играме тимски и со многу емоции тогаш – победуваме!

Мартин Томовски имаше одличен настап за Македонија и заедно со неговиот колега Марко Кизиќ ја водеше репрезентацијата до победа против Швајцарија од 29-27.

Младиот македонски голман кажа дека промените вродиле со плод и заслужено оствариле победа, по поразите од Франција и Германија.

„Прекрасно е чувството по победата против Швајцарија. Променивме неколку работи во нападот, но и одбраната. Им честитам на моите колеги и нашата репрезентација за овој триумф кој ни е од големо значење по поразите од Швајцарија и Германија, зашто конечно се издигнавме и покажавме како е да се игра во друго светло со многу емоции. Имаше и тешки периоди на мечот, но најдобро е кога се најдобрите моменти да останеме скромни, а кога има криза да најдеме решение за проблемот. Ние голманите се посебен тим во тимот, кој и да беше од нас на голот, Никола, Кизиќ или јас, верувам дека ќе ја завршеше својата работа до крај“, кажа Томовски.

Share on Facebook

Tweet

Follow us

Save