Хрватска под снег, вклучен црвен метео аларм

Најавеното влошување на времето пристигна и во Хрватска, а во делови од земјата веќе падна снег.Северот на Хрватска веќе побеле, додека во другите делови од земјата врне дожд.

Снег има во Хрватско Загорје, Меѓумурје, делови од Загреб и неговата околина, Велика Горица, пренесува Индекс.

Со оглед на предвидените врнежи и пад на температурата, Зимската служба го подигна нивото на подготвеност на третото од четирите нивоа.

Државниот хидрометеоролошки завод објави детална прогноза за денеска. Снег ќе има на планините, во централна Хрватска и нешто помалку на истокот од земјата. На планините до крајот на денот се очекуваат и до половина метар снег.

Жителите од внатрешноста посебно се предупредуваат на падот на температурата во утринските часови, што ќе придонесе врнежите да преминат во лапавица и снег, со формирање на снежна покривка.

Поради невреме и урагани во четири региони е вклучен црвен метео аларм.

Share on Facebook

Tweet

Follow us

Save