Без луксуз и гламур, овде му е најубаво – Спасен покажа каде е најсреќен!

Македонскиот пејач Спасен Силјаноски е еден од ретките кои секогаш со гордост и искрено зборува за своето потекло.
Пејачот потекнува од кичевското село Пополжани, каде и понатаму има свој дом и секогаш со задоволство се враќа.

Тој не крие ниту дека има и охридски корени.

„Да кажам јас сум половина охриѓанец по мајка. По потекло сум од Дебарца по мајка, поточно од село Турије , славна Дебарца. Така да не сум туѓинец, пак си сум дома“, изјави Спасен во една прилика.

Со неговата песна „Ќе ти дојдам“ постигна огромен успех и надвор од нашата држава.

Еден е и од ретките кои пеат само македонски песни на своите настапи.

Тој ја негува традиционалната македонска музика и таа најмногу му лежи.

Иако со своето семејство живее во Скопје, повеќе и поради работните обврски, сепак секогаш кога има слободно време се враќа во Пополжани.

Многупати има изјавено дека ужива кога е во село и опкружен со своите соселани.

Тој на своите социјални мрежи сподели фотографија како ужива во снежните лудории заедно со децата со селото.

„Кога ви кажувам дека на село е најубаво“, напиша тој во опис.

Share on Facebook

Tweet

Follow us

Save