Пендаровски-Османи: Заеднички напори за стабилност во регионот
Претседателот Стево Пендаровски денеска во Приштина, во рамки на работната посета на Република Косово, оствари средба со претседателката на Република Косово, Вјоса Османи-Садриу.
На средбата беше изразено задоволство од нивото на билатералните односи меѓу двете држави кои се пријателски, динамични и засновани на меѓусебно почитување и разбирање.
Во фокусот на разговорите беа актуелни теми од билатералните односи, европската перспектива на двете држави, случувањата во однос на дијалогот Белград-Приштина, како и предизвиците на регионален и мултилатерален план и безбедносната состојба во регионот и пошироко.
Претседателот Пендаровски го реафирмираше ставот за поддршка на евро-атлантските аспирации на Косово, како и активното пристапување на Косово кон постојните регионални иницијативи и форуми, при што нагласи дека нашата држава е подготвена да ги сподели своите искуства во однос на реформските процеси, како на патот кон Европската Унија, така и во однос на членството во НАТО Алијансата.
Во тој контекст, соговорниците констатираа дека двете држави имаат значајно место со својата активна улога во заедничките напори за постигнување на трајна стабилност, добрососедство и економски просперитет на овој дел од Европа и дека заедничката иднина во евро-атлантските структури е влог во натамошна стабилизација и просперитет на регионот на Западниот Балкан.
Двајцата претседатели се заложија за продлабочување на соработката во сите области од заемен интерес, особено во економијата и ги нагласија заложбите за активен придонес кон инфраструктурно развиен и економски просперитетен регион.
ПОВРЗАНИ ВЕСТИ
Утре продолжува судењето против поранешните водачи на…
Судењето на четворицата поранешни лидери на ОВК,…
Рама: Косово да прифати сè што се…
Албанскиот премиер Еди Рама во интервју за…
Бугарија е најголема закана за Македонија –…
Балканските земји се сметаат за непријатели, покажува…
(Видео) Ескобар: Формирање на ЗСО е клучно…
Заменик-помошникот државен секретар на САД за Европа…
Ексклузивно писмо: Франција, Италија и Германија го…
Чекорите што ги презеде Косово не ги…