Спасовски: Заедно со тимот придонесовме за безбедноста на граѓаните и државата

Министерот за внатрешни работи во оставка Оливер Спасовски вечерва во Клубот на пратеници се сретна со соработниците и поширокото раководство на МВР.

Министерот вели  дека заедно со неговиот тим постигнале значаен напредок во областа на безбедноста на граѓаните и државата.

„Нашата работа беше предизвик, но исто така и можност да ја покажеме нашата посветеност, професионализам и љубов кон нашата татковина. Со заеднички напори, се справувавме со предизвиците и работевме на создавање на посигурно и стабилно општество за сите граѓани. Секој еден од вас ја има мојата лична благодарност за вашата поддршка, труд и посветеност. Вашите идеи, вашиот ентузијазам и вашата способност да се справите со тешки ситуации беа круцијални за нашите успеси. Нашата работа беше доказ за тоа дека кога поединци со различни вештини и искуства се обединуваат со заедничка цел, може да се остварат големи работи, истакна Спасовски.

Share on Facebook

Tweet

Follow us

Save