ЕХФ ги ослободи од одговорност Начевски и Николов: Одбиена жалбата на Швеѓаните!

Дисциплинската комисија на ЕХФ ја објави одлуката во врска со жалбата на Ракометната федерација на Шведска по синоќешниот полуфинален натпревар на Европското првенство.

Жалбата се однесуваше на некористењето на видео-снимка (ВР) при одлуката за голот на Пранди на истекот од основниот дел од мечот со кој беше израмнет резултатот и натпреварот одведен во продолженија. Во нив Франција беше подобра и обезбеди пласман во финалето што се игра утре.

„По внимателно разгледување на ситуацијата, комисијата заклучи дека судиите и делегатот немаат обврска да ја прегледуваат видео-снимката. Таа се користи само кога судиите имаат голем сомнеж во врска со одлуката или се во неможност добро да го видат спорниот момент. Само судиите и делегатот одлучуваат дали ќе се користи ВAР. Поради сето ова, жалбата се одбива“, стои во соопштението на ЕХФ.

Судии на синоќешниот натпревар беа Ѓорѓи Начевски и Славе Николов кои со ова се ослободени од одговорност.

Share on Facebook

Tweet

Follow us

Save