(Видео) Си легнаа на брашното и не се кубеа за коса: Џафери ја отвори конститутивната седница, присутни беа и министрите на ВМРО-ДПМНЕ
Премиерот Талат Џафери денеска ја отвори конститутивната седница на новоформираната преодна влада честитајќи им го изборот на сите министри. Тој на почетокот на седницата им порача на министрите да не ставаат слушалки за превод бидејќи воведното обраќање ќе го прочита на двата јазика. Џафери се обрати прво на албански, а потоа и на македонски јазик.
„Отворањето на седницата на почетокот ќе го водам на двата јазика, нема потреба од слушалки, зашто ќе го кажам истото. Ви посакувам добре дојде во владата на Македонија на првата конститутивна седница на преодната влада на С Македонија. Пред да преминеме на усвојување на дневниот ред, на сите членови на Владата, во мое лично име би сакал да ви честитам на изборот и да ви посакам успешна работа и соработка. Пред нас е една клучна задача – подготовка на фер и слободни избори во демократска атмосфера. Во тоа имаме обврска да соработуваме и со Собранието и со ДИК, и со мисијата на ОБСЕ/ОДИХР, со ЕУ и САД за да обезбедиме највисоки европски стандарди во изборната кампања и самите избори за граѓаните слободно да ја изразат својата волја“, им се обрати Џафери на министрите.
Тој изрази очекување дека сите членови на владата посветено ќе работат во интерес на граѓаните.
„Тука сме и да обезбедиме редовно функционирање на институцијата, соработка и инклузивност. Од оваа влада очекувам ефикасност и таа да е во функција на интересите на граѓаните, транспарентна и отчетна. Очекувам сите членови на Владата да го вложат целото свое знаење и искуство и посветено ќе работат во интерес на граѓаните и сите предизвици пред нас ќе ги надминеме заедно,отворено и професионално. Ви посакувам многу успех во работата“, рече премиерот Џафери.
На конститутивната седница на преодната влада, присутни беа и министрите од редовите на ВМРО-ДПМНЕ, за внатрешни работи Панче Тошковски и за труд и социјална политика Ѓоко Велковски.
ПОВРЗАНИ ВЕСТИ
ДЕСЕТМИНА ПРИВЕДЕНИ ВО СРБИЈА: Осомничени дека со…
Српското Министерство за внатрешни работи спроведе акција…
Трамп не се помирува со поразот: Објави…
Американскиот претседател Доналд Трамп се огласи по…
Мицкоски од Диселдорф: Македонија 15 години не…
Премиерот Христијан Мицкоски вели дека Македонија веќе…
Во Солун уапсен маж кој се барал…
Во Солун синоќа бил уапсен 43-годишен маж,…
Клековски најави формирање комисија за случајот со…
Министерот за здравство Сашо Клековски најави формирање…