ВЕДРАН ИСЧЕЗНA ВО МАЛТА – Една недела ни трага ни глас од него, мајката очајна: „Само сакам да го најдам мојот син жив!

Осум дена е исчезнат 38-годишниот Ведран Батарило од Славонски Брод, кој живее и работи во Малта во француска компанија, веќе три месеци.

Семејството, поточно мајката, последен пат се слушна со него на 23 јануари и оттогаш нема добиено никаква порака.

Мобилниот телефон му бил исклучен, а Интерпол се крена на нозе, а се работи за маж со кафена коса и кафени очи, поразвиен и висок 180 сантиметри. Од деталите во полиција било пријавено дека има тетоважа на градите.

Неговата мајка е во тотален шок. Таа се јавила во хрватската амбасада во Рим, која ја покрива и Малта. Таа постојано ги проверува малтешките медиуми во потрага по некоја информација.

– Веќе вториот ден, кога повеќе не одговараше на моите пораки или повици бидејќи му беше исклучен мобилниот телефон, се јавив во полиција. А во Амбасада ми рекоа дека прават се и дека морам да бидам трпелива.

Гледајќи по интернет порталите од ден на ден, гледам дека на Малта, како и во целиот свет, се случуваат секакви работи, вклучително и убиства. Колумбијка беше убиена пред некој ден. Деновите ми поминуваат во неизвесност, страв и тага. Само да го најдам мојот син жив – низ солзи накратко раскажала за Јутарњи лист мајката на исчезнатиот.

Се уште не е познато дали Батарило во меѓувреме го напуштил островот или не.

Share on Facebook

Tweet

Follow us

Save