СДСМ: По 20 години непостапување се расчистува случајот „Онкологија“
После 20 годии шепотење и непреземање ништо надлежни институции го отворија и го расчистуваат случајот Онкологија токму во време на СДСМ. Лагите на ДПМНЕ не значат ништо, вистината е поразителна за оваа лажна партија која едно зборува друго прави, порачаа од СДСМ.
Според партијата, граѓаните знаат дека лагите на ДПМНЕ се потврдија и преку собраниската Анкетна комисија.
-Јавноста виде дека на ДПМНЕ воопшто не им била важна вистината, не биле важни пациентите, немале намера воопшто нешто да преземат. Два месеци ДПМНЕ ја злоупотребува работата на комисијата а со тоа ги злоупотребуваа пациентите, граѓаните и македонското собрание.
Се викаа сведоци, се трошеа пари на граѓаните, се сееше лаги и на крај, ДПМНЕ побегна од комисијата, со денови не се свикуваа седница и не се усвои никаков заклучок, работата на комисија пропадна, стои во партиското соопштение.
Обвинителството отвори истрага против петмина вработени на скопска Онкологија. Од нив двајца се поранешни директори, медицински и организациски, а опфатени се и тројца лекари. Екс-директорот Нино Васев е осомничен дека склучил 7 незаконски договори за купување на лекови без согласност од ФЗОМ.
Засега не е потврдено дека онколошката терапија се препродавала на црниот пазар во Косово и во Албанија, но истрагата е отворена за да се утврдат сите факти. Министерот за здравство Меџити вели – немал сознанија што се случува, но ќе соработува со истражителите.
ПОВРЗАНИ ВЕСТИ
Зајкова демантира дека оди во коалиција со…
Лидерката на ЛДП, Моника Зајкова демантира дека…
Макрадули: Во СДСМ во моментов владее клиентелизам,…
Јани Макрадули, поранешен висок функционер во СДСМ…
Мециновиќ: Левица може да ја замени СДСМ…
Левица може да ја замени СДСМ во…
Мицкоски: Обезбедени се 61 пратеник, сега целта…
Можам со задоволство да кажам дека досега…
Албанската коалиција „Вреди“ денес на преговори во…
Работните групи на ВМРО-ДПМНЕ и коалицијата на…