Американскa конгресна комисија препорачува воена помош од 17,6 милијарди долари за Израел

Предлог-законот за нова воена помош од 17,6 милијарди долари за Израел во војната против Хамас беше претставен денеска во Претставничкиот дом на САД.

Предлог-законот за финансирање, понуден од Комитетот за доделување средства на Претставничкиот дом, би можел да излезе на гласање во целосниот дом следната недела, рече претседателот на Претставничкиот дом Мајкл Џонсон во писмо до пратениците.

Претставничкиот дом под контрола на републиканците претходно одобри нова воена помош за Израел од 14,3 милијарди долари, но со услов таа да се плати со враќање на дел од парите веќе наменети за УЈП на САД, пишува Џерусалим пост.

Сенатот под контрола на демократите го отфрли предлогот и се очекува да воведе законски пакет што ќе му помогне на Израел и ќе обезбеди поголема воена помош за Украина во нејзината војна против Русија.

Истиот предлог-закон на Сенатот се очекува да вклучи предлози за зајакнување на безбедноста долж јужната граница на САД со Мексико, бидејќи републиканците бараат построга контрола на тој дел од границата за да се намали илегалната имиграција.

Водачот на мнозинството во Сенатот, Чак Шумер, презеде чекори за да започне дебата за повеќеслојниот нацрт-закон следната недела, а првото процедурално гласање се очекува најрано во среда, според Jerusalem Post.

Share on Facebook

Tweet

Follow us

Save