Рама: Косово да се консултира со сојузниците за одлуката за укинување на динарот
Премиерот на Албанија, Еди Рама, реагираше во врска со одлуката на Централната банка на Косово да ја отстрани од пазарот српската валута динар, пренесуваат албанските медиуми.
Рама побарал од Косово да се координира со сојузниците, кои побараа суспензија на оваа мерка, бидејќи според нив, таа може да поттикне нови тензии на Косово.
Како што навел премиерот на Албанија, по настанот во Бањска, Косово има примарна должност да ја задржи својата рамнотежа.
„Додека сите се согласуваме дека косовската влада треба да се ангажира, координира и поблиску да соработува со нејзините клучни сојузници, да не заборавиме и на неотуѓивото право на Косово да го спроведува сопствениот устав. После Бањска, од суштинско значење е да се задржи фокусот и чувството на рамнотежа“, истакнал Рама.
Централната банка на Косово на први февруари одлучи да стапи во сила забраната за српскиот динар за плаќања на српската заедница во Косово.
ПОВРЗАНИ ВЕСТИ
Во голема полициска акција во Албанија запленет…
Во голема полициска акција, во содејство со…
Бугарија е најголема закана за Македонија –…
Балканските земји се сметаат за непријатели, покажува…
(Видео) Ескобар: Формирање на ЗСО е клучно…
Заменик-помошникот државен секретар на САД за Европа…
Ексклузивно писмо: Франција, Италија и Германија го…
Чекорите што ги презеде Косово не ги…
Шолц: Германија е подготвена да ја поддржи…
Германскиот канцелар Олаф Шолц му честиташе на…