Русија најави излегување од ОБСЕ

Рускиот парламент ќе гласа на 21 февруари за излегување на земјата од ОБСЕ, изјави спикерот на Дума, Вјачеслав Володин. ОБСЕ, во која членуваат 57 држави, меѓу кои и Украина и САД, е наследничка на организација од Студената војна преку која соработувале Советски Сојуз и западните сили.

Од почетокот на руската инвазија на Украина, работата на организацијата беше често парализирана поради постојаната употреба на вето од страна на Русија.

„Време е да му кажеме збогум на Парламентарното собрание на ОБСЕ. На организацијата ѝ недостига независност, исполитизирана е и танцува по нотите на Вашингтон. Но, најлошата работа во ситуацијата е што даваме пари и сме едни од најголемите плаќачи“, изјави Володин.

Украина и балтичките земји одбија да учествуваат на ланскиот годишен самит на НАТО во Скопје поради доаѓањето на рускиот министер за надворешни работи Сергеј Лавров.

Share on Facebook

Tweet

Follow us

Save