Антивладини протести во Тирана и порака до Рама: Оди си!

Обединетата опозиција во Албанија под мотото „Или денеска или никогаш“ го почна вечерашниот протест пред владата кој беше свикан од приврзаниците на Сали Бериша.

Генералниот секретар на „Обнова на ДП“ Фламур Нока, порача дека ова е историски момент за опозицијата и нова албанска пролет.

Со овации беше поздравен Сали Бериша, кој во моментов е во домашен притвор, а преку снимена порака им се обрати на демонстрантите, уште еднаш нарекувајќи ги ураган.

По неговиот говор во дворот на владата беа фрлени димни бомби и молотови коктели, а имаше обид да се пробие полицискиот кордон, беше урната заштитната ограда, по што беше видно зголемен бројот на полициските службеници.

За безбедноста за време на протестот беа ангажирани над 1.100 полицајци, како и припадници на специјалните полициски и армиски единици и Националанта гарда.

Share on Facebook

Tweet

Follow us

Save