Зеленски вечерва пристигнува во Тирана, безбедносните мерки подигнати на високо ниво

Претседателот на Украина, Володимир Зеленски, вечерва треба да пристигне во Албанија, каде утре се одржува самитот Украина-Југоисточна Европа, а Тирана од денеска е под силни безбедносни мерки, пишуваат албанските медиуми.

dobivaj vesti na viber
Како што јави „Воксњуз“, во безбедносните мерки ќе бидат ангажирани околу 1.600 полицајци, вклучително и интервентни тимови и антитерористичката служба, додека уште 400 припадници на гардата ќе бидат на готовност, а антиексплозивни групи ќе ја следат ситуацијата.

Се очекува Зеленски да има повеќе билатерални средби во Тирана, меѓу кои и со албанскиот премиер Еди Рама и со претседателот Бајрам Бегај.

По самитот на Украина и Југоисточна Европа, на кој ќе учествуваат и претставници на балканската шесторка, во четврток ќе се одржи самитот на Западен Балкан на кој ќе се разговара за Планот за раст на тој регион.

Се очекува и доаѓањето на претседателката на Европската комисија Урсула фон дер Лајен.

Share on Facebook

Tweet

Follow us

Save