Спречена трагедија во филтер станица во Винива: Истекоа 50 литри хлор, интервенираа пожарникари

Виничките пожарникари вчера интервенирале во филтер-станица на територијата на градот каде што од контејнер истекол хлор, гас кој е отровен и може да предизвика сериозни последици.

За оваа опасна ситуација, во која за среќа нема повредени лица, утрово информираше Центарот за управување со кризи (ЦУК), од каде што велат дека по интервенцијата на пожарникарите опасноста била отстранета.

„Регионалниот центар за управување со кризи Штип, информира дека пожарникарите на Територијалната противпожарна единица Виница вчера од 8 до 11 часот имале техничка интервенција на боца со хлор од 50 килограми во филтер станица“, се вели во информацијата од ЦУК.

Било интервенирано со две возила, четворица пожарникари и четири други лица. Во настанот нема повредени, но на вработените во филтер станицата им бил даден кислород поради опасност од вдишување на отровниот гас.

ЦУК информираа дека вчера имало вкупно седум пожари на отворен простор, од кои два биле на територијата на Скопје, исто толку во Битола и по еден на териториите на Охрид, Штип и Куманово.

Share on Facebook

Tweet

Follow us

Save