Смртоносна болест се шири во Србија: Што е лајшманиоза?

Во Србија во изминатите години се појави паразитското заболување лајшманиоза кое го пренесуваат песочните мушички и главно се поврзува со тропските и суптропските предели, но во последно време сѐ повеќе се зборува за оваа болест.

Ако не се лекува соодветно и навреме, болеста може да биде фатална во повеќе од 95% случаи.

Епидемиологот на Белградскиот градски институт за јавно здравје Славица Марис гостуваше на „150 минути“ и одговараше на прашања поврзани со оваа паразитска болест, објави Б92.

– Лајшманиозата е поврзана со тропските и суптропските болести, се пренесува со каснување од заразени песочни мушички и ја предизвикува паразитот Лајшманија. Повеќе од 20 видови на лајшманија предизвикуваат болест кај луѓето, а повеќе од 70 организми можат да бидат резервоари на оваа болест, вклучувајќи ги и луѓето – истакнува д-р Марис.

Лајшманиозата со векови е ендемична болест во Сирија. Порано беше позната и како „злобниот Алепо“. Меѓутоа, по граѓанската војна и по мигрантската криза, избувна епидемија на оваа, како што вели епидемиологот Марис, заборавена болест.

Share on Facebook

Tweet

Follow us

Save