Во Скопје речиси 50 отсто од децата се невакцинирани со ди-те-пер

Во текот на вчерашниот ден Државниот санитарен здравствен инспекторат излезе на терен, сите инспектори почнаа да вршат вонреден инспекциски надозр и се издадени решенија во сите градинки со забрана за прием на невакцинирани деца со ди-те-пер вакцината (дифтерија-тетанус-пертусис) која ги штити децата од голема кашлица.

Добивај вести на вибер
– Согласно првичните информации, речиси 50 отсто од децата во Скопје се невакцинирани со ди-те-пер или се нецелосно вакцинирании и лично сметам дека е поразителен факт за општеството. Бројките ги извлековме од списоците со деца од градинките, оваа акција ќе продолжи, директорите на детските градинки дадоа уверување дека ќе ја политуваат мерката – истакна директорката на ДСЗИ, Рената Младеновска.

Имало реакции од родители дека вакцинирано дете требало да седи дома 20 дена, како и реакции од родители чии деца биле вратени од градинка иако имале закажно вакцинирање, но од ДСЗИ таква мерка не е издадена ниту пак инспекторите ќе прават исклучоци за некои деца.

– Неточна е мерката дека деца треба да се седат дома. Ние започнавме да вршиме инспекциски надзор во внатрешноста на земјата, од првичните информации во другите градови имаме покриеност со имунизација со ди-те-пер од скоро 95%. Родителите се одговорни и го почитуваат редовниот календар за имунизација, очигледно проблемот е во Скопје – рече Младеновска.

Share on Facebook

Tweet

Follow us

Save