Преговорите Белград-Приштина продолжуваат во понеделник, соопшти Лајчак

Специјалниот пратеник на ЕУ за дијалог меѓу Белград и Приштина, Мирослав Лајчак денеска најави дека следниот понеделник во Брисел ќе продолжат дискусиите за одлуката за готовинските трансакции на Косово.
Тој на социјалната мрежа ИСК изјави дека денеска со главните преговарачи на Белград и Приштина, Петар Петковиќ и Бесник Бисљими разговарал за спроведувањето на Договорот за патот кон нормализацијата, како и за влијанието на одлуката врз готовинските трансакции.
„Се договоривме да продолжиме со ова прашање следниот понеделник, додека лидерите ќе треба да се занимаваат со Договорот“, напиша тој.

Во вторник во Брисел се одржа трипартитна средба на делегациите на Белград и Приштина предводени од Петар Петковиќ и Бесник Бисљими со специјалниот пратеник на ЕУ за дијалог Мирослав Лајчак.
По средбата Петковиќ изјави дека белградската делегација инсистирала пред се на формирање на ЗСО, а второто главно прашање е одлуката на Приштина да го укине динарот.
Бисљими истакна дека до петок Приштина и Белград ќе испратат предлози за решавање на проблемот со динарот и оти очекува следната недела да разговараат за тоа.

Share on Facebook

Tweet

Follow us

Save