INFOMAX.MK

ГРОМ- Граѓанската опција за Македонија, Интегра, Македонска конзервативна партија и ПЦЕР – Партијата за целосна еманципација на Ромите потпишаа коалициски договор за заеднички настап на претстојните парламентарни избори, а лидерот на Интегра, професор д-р Љупчо Ристовски рече дека коалицијата „Храбро за Македонија“ ќе биде одговор на неуспешното владеење на СДСМ, ВМРО-ДПМНЕ и ДУИ.

– Македонскиот народ е испратен пред носење на историски одлуки, предизвиците се огромни но и заканите се големи. Оваа коалиција предводена од ГРОМ, Интегра и ПЦЕР очекувам да стане зачеток на нешто ново и ќе го освојува третиот нов пат кој ќе биде одговор на неуспешно владењње на СДСМ и на ВМРО-ДПМНЕ.

Македонија не може да биде богата ако не се богати граѓаните или не е образована и здрава нацијата. Образованието, здравството и стандардот ќе бидат фокус на оваа коалиција.

Имаме одговор за растечката сиромаштија: со посебен закон да ги заштитиме социјално ранливите категории.

Државата ќе мора да се рационализира и да се создаде и поттикне творечки потенцијал на секое семејство да може да отвори свој бизнис.

Секој поединец од државата очекува сигурност и безбедност, ако ги немате овие ја немате слободата, а ако ја немате слободата вие го немате творечкиот потенцијал.

Овој народ или ќе влезе во ЕУ и во западниот свет богат, достоинствен, горд и со исправена глава – истакна Ристовски.