Богатите станаа уште побогати: Ова е најбогатиот Русин

Вагит Алекперов, поранешниот претседател на нафтената компанија Лукоил, сега е најбогатиот човек во Русија.

Богатството на Алекперов се зголеми од 20,5 милијарди долари на 28,6 милијарди долари во 2023 година, објави Форбс. Првото место во Русија го презеде од сега веќе седморангираниот Андреј Мелниченко, кој се збогати со ѓубрива и чија вредност од 25,2 милијарди долари падна на 21,1 милијарди долари.

Леонид Микелсон, шеф на рускиот производител на природен гас Новатек, беше рангиран на второто место од Форбс. Неговото богатство се зголеми за 5,8 милијарди долари на вкупно 27,4 милијарди долари. Форбс објави дека во светот сега има повеќе милијардери – 2.781. Топ 20 на листата го држат најголем дел од богатството, а Алекперов сега е 59-ти во светот.

Најбогатите Руси го зголемија своето богатство за 72 милијарди долари во 2023 година и вредат вкупно 577 милијарди долари. 

Share on Facebook

Tweet

Follow us

Save