INFOMAX.MK

Каталонската влада изнесе конкретен предлог за нов референдум за независност од Шпанија, за кој владата во Мадрид реагираше негативно.

„Гласањето е возможно, само е во прашање политичка волја“, рече во вторникот регионалниот претседател Пере Арагонес.

Прашањето кое би се поставило на гласачите
На гласачите би им се поставило едноставно прашање „Дали сте за Каталонија да стане независна држава?“ на кое може да се одговори само со „да“ или „не“, кажа Арагонес.

Тој изјави дека референдумот би се темелел на членот 92 од уставот кој дозволува преку референдум да се гласа за „политички одлуки од посебна важност“.

Референдумот би бил распишан од Кралот Филип VI на предлог од шпанскиот премиер, од кога ќе биде одобрен од парламентот.

Но, предлогот беше одма одбиен од членовите на централната власт во Мадрид. Министерот за правда Феликс Боланос рече дека е „апсолутно против тоа“.

Портпаролката на владата Пилар Алегрија сугерираше дека предлогот на Арагонес е за собирање политички поени за парламентарните избори во Каталонија.

Премиерот опортунистички се согласи на амнестија
Премиерот на Шпанија, Педро Санчез се согласи на амнестија за оние кои беа вклучени во неуспешниот обид за независност на Каталонија во 2017 година за да обезбеди негов реизбор минатата есен.

Меѓу тоа, тој е сè уште против референдум за независност.

Арагонес тврди дека Санчез долго време беше против амнестијата, но на крај се предомисли. Малцинската влада на Санчез зависи од гласовите на Каталонците во парламентот.

Заедно со другите каталонски партии, вклучувајќи ја и Каталонската републиканска левица (ERC) на Арагонес, се со цел за одвојување на тој регион од Шпанија.

Ова важи и за „Junts“ на Карлес Пучдемон, кој е во прогонство во Белгија од 2017 година.

Овој 61-годишник неодамна објави дека ќе биде главен кандидат на партијата „Јунтс“ на регионалните избори.