Зеленски повика на зајакнување на воздушната одбрана во регионот Харков

Претседателот на Украина, Володимир Зеленски, ја истакна важноста од зајакнување на капацитетите за противвоздушна одбрана што ќе го заштити регионот Харков од руските напади, пренесоа украинските медиуми.

-Рускиот терор врз Харков продолжува. Нови напади врз градот и областа. Оштетени се станбени згради и цивилна инфраструктура. За жал, шест лица загинаа. Моето најдлабоко сочувство до нивните семејства и најблиските. Повеќе од 10 лица се повредени, напиша Зеленски на својот фејсбук-профил.

Сите служби за итна помош пристигнале веднаш на местото на несреќата и им ја пружиле потребната помош на сите настрадани, увери претседателот.

-Треба да ставиме крај на овој терор. Исклучително е важно да се зајакне воздушната одбрана за регионот Харков. И нашите партнери можат да ни помогнат во тоа, нагласи Зеленски.

Претходно денеска украинските медиуми објавија дека како резултат на денешниот руски напад насочен против Харков, шест лица загинале, а 11 се повредени.

Share on Facebook

Tweet

Follow us

Save