Новак Ѓоковиќ стана најстариот лидер на АТП листата

Најдобриот тенисер на сите времиња Новак Ѓоковиќ стана најстариот лидер на АТП листата во историјата на „белиот спорт“.

Ѓоковиќ во понеделникот ја започна 419-та недела на врвот на АТП листата, а денеска стана најстариот број еден во историјата на тенисот, претекнувајќи го Роџер Федерер.

Српскиот тенисер со 36 години и 321 ден го надмина досегашниот рекорд на швајцарецот Федерер, кој имаше 36 години и 320 дена кога беше на врвот на АТП листата во 2018 година.

Федерер беше на првото место вкупно 310 недели во кариерата, а Ѓоковиќ веќе во понеделник ќе стигне до 420. недела на првото место.

Ѓоковиќ следната недела ќе игра на Мастерс турнирот во Монте Карло, каде е прв носител. Во првото коло е слободен, а во второто ќе игра против подобриот од дуелот Роман Сафјулин и квалификантот.

Тенисери со најмногу недели на прво место:

1. Новак Ѓоковиќ 419*
2. Роџер Федерер 310
3. Пит Сампрас 286
4. Иван Лендл 270
5. Џими Конорс 268
6. Рафаел Надал 209*
7. Џон Мекинро 170
8. Бјорн Борг 109
9. Андре Агаси 101
10. Лејтон Хјуит 80

Инаку, Ѓоковиќ и Надал се единствените активни тенисери меѓу првите 10 со најмногу недели на првото место. Во понеделник, на 8 април, Ѓоковиќ ќе ја започне 420-та недела на врвот на АТП листата.

Share on Facebook

Tweet

Follow us

Save