ЗНМ бара одговори од МВР по кои стандарди е апсен новинарот Салиу
Здружението на новинарите на Македонија (ЗНМ) и Самостојниот синдикат на новинари и медиумски работници (ССНМ) ќе поднесат формална претставка до Секторот за внатрешна контрола, криминалистички истраги и професионални стандарди на Министерството за внатрешни работи (МВР), за апсењето на новинарот Фуркан Салиу.
Во претставката се истакнуваат повредите на правата на новинарот во три главни точки:
1.Непрофесионално однесување и употреба на прекумерна сила при лишувањето од слобода од страна на службени лица, поткрепено со материјални докази;
2.Принудно бришење на видео материјали од новинари, поврзани со инцидентот, спротивно на законот, постапка која е недозволива и отвора многу прашања поврзани со инцидентот и потенцијалната потреба да биде нешто скриено од јавноста; и
3.Незаконски претрес на приватно моторно возило;
ЗНМ и ССНМ бараат внатрешната контрола да ги испита овие наводи веднаш, а МВР да преземе соодветни чекори против инволвираните службеници за време на целиот инцидент.
Особено е критично ова да се случи што побргу, бидејќи сме во чувствителен предизборен период. Ова е суштински за да се одвратат потенцијалните идни сторители на повреди на правата на медиумските работници, а со тоа да се заштити слободата на изразување.
Укажуваме дека лишување од слобода на новинари, особено кога тоа се случува при извршување на нивните професионални обврски, е недозволива мерка, посебно во услови кога има индициии дека се прават неколку пропусти при вршење на истата. Потребно е полицијата строго да ги следи утврдените процедури и законот во овие случаи, за да се спречи каква било повреда на правата на новинарите, се вели во соопштението на ЗНМ и ССНМ.
ПОВРЗАНИ ВЕСТИ
Претреси во Врховниот суд и на други…
Вечерва на полноќ ќе се одржи итна…
Ердоган прогласи Ден на национална жалост по…
Турскиот претседател Реџеп Таип Ердоган прогласи ден…
Меџити: Албанците му кажаа “доста“ на Ахмети
Има една поговорка, „кој губи има право…
Ѓеорѓиевски за ТВ 24: Јавна тајна е…
Орце Ѓеорѓиевски градоначалникот на Кисела вода и…
Детали за апсењето на Врховниот судија Наке…
Синот на поранешниот градоначалник на Ново Село,…