Столтенберг: На бојното поле во Украина гледаме како притискаат руските сили и како Русија мобилизира уште трупи

На бојното поле во Украина гледаме како притискаат руските сили и како Русија мобилизира уште трупи, подготвена да жртвува и луѓе и опрема, што е причина за загриженост и ја наметнува потреба за зголемена поддршка за Киев, изјави денеска генералниот секретар на НАТО, Јенс Столтенберг по завршувањето на дводневниот состанок на министрите за надворешни работи на членките на Алијансата во Брисел.

Според него, во вакви услови можни се две сценарија – едното сценарио е НАТО да обезбеди доволно поддршка на Украина и таа да успее да ги поврати окупираните територии и второто, Алијансата да не успее да ја достави потребната помош и Русија да освои дополнителни области, што би довело до поопасна ситуација.

– Единствен начин да обезбедиме праведен и долгорочен мир во Украина е да имаме посилни украински Вооружени сили. Тоа е единствен начин да го убедиме претседателот Путин дека не може да победи на бојното поле. Силно верувам дека тоа е можно, бидејќи Украинците демонстрираа дека се способни да го сторат тоа, додаде генералниот секретар на НАТО.

Share on Facebook

Tweet

Follow us

Save