Идната Влада да ја прифати новата систематизација или ќе стапиме во штрајк предупредија од синдикатот на Македонска Пошта

Или идната Влада да ја прифати новата систематизација скроена од синдикатот и вработените на Пошти или по изборите штрајк. Претпријатието кое работи повеќе од 20 години и е под капата на Владата, го оставија на цедило а вработените сами да се борат за опстојување, аларамираат од синдикатот на Пошти.

„ИМАМЕ 15 ПОДРУЖНИЦИ, 15 ДИРЕКТОРИ, СЕДУМ ЧЛЕНОВИ НА УПРАВЕН ОДБОР ШЕФОВСКИ МЕСТА, РАКОВОДНИ ПОЗИЦИИ, СОВЕТНИЦИ, СТРУЧНИ СОРАБОТНИЦИ, А СЕ ПОМАЛКУ РАБОТНИЦИ ВО ТЕХНОЛОШКИОТ ПРОЦЕС. НАШАТА ЦЕЛ Е ДА ИЗГОТВИМЕ НОВА СИСТЕМАТИЗАЦИЈА КОЈА Е СОГЛАСНО ПОТРЕБИТЕ НА ДРУШТВОТО И НА ПАЗАРОТ. ДА СТАВИМЕ АКЦЕНТ НА ТЕХНОЛОШКИОТ ПРОЦЕС, НА ОБРАБОТКА НА ПРАТКИТЕ И СИТЕ ТИЕ АНОМАЛИИ И ПРОБЛЕМИ ВО РАБОТЕЊЕТО СО ТАА СИСТЕМАТИЗАЦИЈА ЌЕ СЕ НАДМИНАТ“, ВЕЛИ БОРО ВЕЛИГДЕНОВ СИНДИКАТ НА МАКЕДОНСКА ПОШТА.

За Синдикатот најважно е да престане процесот на лошата кадровска политика и на партизацијата, а поради финансиската криза во Пошта вработените постојано се под стрес дали ќе си ја добијат платата.

„СМЕ ЗАГРИЖЕНИ И ЗА РЕДОВНА ИСПЛАТА НА ПЛАТА ВО НАРЕДЕН ПЕРИОД. НИЕ ЗЕМАВМЕ ПЛАТА ОВОЈ МЕСЕЦ, ВЧЕРА НА 15-ТИ, НО ТАА ПЛАТА ЈА ЗЕМАВМЕ БЕЗ ЗАДРШКИ И ИСПЛАТА НА КРЕДИТИ.ИМАМЕ НЕИСПЛАТЕНА ПЛАТА И НА ДОГОВОРНИТЕ ПОШТАРИ КОИ СЕ НАД 200 И ПОВЕЌЕ ДОГОВОРНИ ПОШТАРИ“, ВЕЛИ БОРО ВЕЛИГДЕНОВ СИНДИКАТ НА МАКЕДОНСКИ ПОШТИ.

И додека синдикатот и институциите го решат проблемот, дел од граѓаните остануваат револтирани и незадоволни од услугите.

Нова систематизација, нов колективен договор, технолошка модернизација, измени во законот за поштенски услуги и редовна исплата на плата се дел од барањата на синдикалците, кој подолг период преку протести и апели го кренаа гласот за проблемите со кои што се соочуваат. За лошата финансиска состојба на Македонски Пошти потврди и директорот.

Share on Facebook

Tweet

Follow us

Save