Костадиновска-Стојчевска: Платите во културата се повисоки за повеќе од 100 отсто и ќе продолжат да растат

Платите во културата повисоки за повеќе од 100 проценти, и ќе продолжат континуирано да растат, вели министерката за култура Бисера Костадиновска-Стојчевска.

Таа на нејзиниот Фејсбук-профил напиша дека за пет години се исполни ветувањето за подобар и посигурен живот на вработените во културата.

Нето платата на хорист во 2016 година изнесувала 21.236 денари, додека сега е дури 57.348 денари, додека пак светло мајстор во 2016 година добивал нето плата од 20.872 денари, денес добива плата од 56.346 денари.

„Вложувањето во човечкиот капитал во културата ни останува врвен приоритет во намерата да создадеме професионален и посветен кадар. Во следниот мандат секоја година платите на културните работници ќе растат за 10%“ вети министерката Костадиновска-Стојчевска.

Share on Facebook

Tweet

Follow us

Save