Захарова ги предупреди Вашингтон, Лондон и Брисел: Ако го нападнете Крим, ќе следи одмазда

Официјалната претставничка на Министерството за надворешни работи на Русија, Марија Захарова, ги предупреди Вашингтон, Лондон и Брисел дека сите агресивни дејствија против Крим се осудени на неуспех и дека во случај на напад ќе следи одмазда.
Таа рече и дека Киев отворено се подготвува повторно да го нападне мостот на Крим со помош на Западот.

„Денес, по 80 години од ослободувањето на Крим, Кримскиот мост повторно е на мета“, рече таа.
Захарова нагласи дека подготовката за нападот на мостот се изведува целосно отворено и со поддршка на колективниот Запад.
Малку порано и Кремљ ја коментираше можноста за напад на мостот на Крим, кој објави дека Киев воопшто не ги крие своите намери и дека продолжува со „терористички активности“.

Share on Facebook

Tweet

Follow us

Save