Новак Ѓоковиќ денеска ќе игра против Чилеанецот Алехандро Табило

Најдобриот светски тенисер Новак Ѓоковиќ денеска ќе игра против Чилеанецот Алехандро Табило во третото коло на Мастерсот во Рим, пренесува Танјуг.

Овој дуел е планиран како трет натпревар во денот на Централниот терен, а нема да започне пред 14 часот. Табило е 32. тенисер во светот, а против Ѓоковиќ никогаш во кариерата не играл.

Српскиот тенисер вчера одработи тренинг, а на теренот дојде со кацига на главата и на шега испрати порака дека се е во ред откако „случајно“ беше удрен со шише во глава по мечот од второто коло против Корентан Муте. .

На теренот против Тиаго Монтеиро ќе биде и Миомир Кечмановиќ, а мечот меѓу Србинот и Бразилецот ќе се игра на „Пјетранѓелија“ како прв од првите од 11 часот.

Share on Facebook

Tweet

Follow us

Save