Меси: Реал е најдобар според резултатите, не и според квалитетот на играта

Аргентински новинар го праша Меси дали ја следел последната сезона во која Реал Мадрид повторно доминираше, а тој рече дека тие без сомнение се најдобриот клуб во светот во моментов, кога се резултатите во прашање.

Сепак, Меси очигледно не е премногу воодушевен од играта на Реал бидејќи изјави дека има еден тим кој игра многу подобар и поубав фудбал и дека во тој сегмент е најдобар во светот.

„Реал Мадрид е најдобриот клуб во светот и актуелен освојувач на Лигата на шампионите. Ако ги гледаме само резултатите, Реал Мадрид без сомнение е најдобар. Но, доколку само го гледаме нивото и квалитетот на играта, тогаш сметам дека најдобри се Манчестер Сити“, изјави Меси.

Share on Facebook

Tweet

Follow us

Save